-- ADVERTISEMENT --
Padayon nga magpabilin sa Philippine National Police (PNP) General Hospital si Senador Rodante Marcoleta tungod sa iyang ginabati.
Matod ni Police Lieutenant Colonel Benaly Bayani, hepe sa Internal Medicine Department sa PNP General Hospital, dili pa hapsay ang blood pressure sa senador mao nga gikinahanglan pa niya ang padayon nga pagmonitor sa mga doktor.
Tungod niini, giingon nga dili pa sa pagkakaron andam si Marcoleta nga motambong sa korte alang sa pagdungog sa iyang kasong plunder.
Gipadayon pa sa medical team ang pag-atiman ug pagbantay sa kahimtang sa senador samtang nagpaayo kini sa ospital.
