GENERAL SANTOS CITY – Nagpadayun sa pagdetermina ang buhatan ni Kagawad Ben Talon, kinsa ang Indigenous People kon IP Representative sa Sangguniang Panglungsod kon kinsa ang mga angayang benepisyaryo sa IP Village.
Una nang gikumpirma sa konsehal nga gapangita na siya og luna alang sa IP Village para sa mga kaigsuonang B’laan.
Kini human nga personal na silang nagkaistoryahanay ni Sen. Manny Pacquiao kabahin sa maong plano kon asa nipasalig ang fighting senator nga maghatag og P24 Million aron ipalit og luna.
Gikabutyag nga aduna nay negosasyon nga nahitabo kon asa target nga magpalit og luna sa Brgy. Tambler o sa Bawing.
Una niini nagsumite si Kag. Talon og urgent resolution nga manghangyo sa senador og P24 million alang sa IP Village kon asa wala mapakyas si Kag. Talon human nga nipasalig gilayon si Sen. Pacquiao nga maghatag og pondo.
