Mipasa si Senator JV Ejercito sa Anti-Online Hate and Harassment Bill o Emman Atienza Bill aron batukan ang nagkadako nga cyberbullying, fake news, ug online hate sa nasud.
Ang balaod gitawag sa ngalan ni Emman Atienza, anak sa broadcaster nga si Kim Atienza, nga nahimong biktima sa online hate.
Tumong sa sugyot nga palig-onon ang proteksyon sa mga biktima pinaagi sa paglatid sa silot batok sa cyberlibel, hate speech, ug harassment, ug paghatag og psychosocial support nga bayaran sa mga nakasala.
Ang mga silot maglakip og Php 50,000–200,000 nga multa ug kapriso, samtang ang mga menor de edad ipailalom sa counselling ug edukasyon.
Matod ni Ejercito, gusto niyang maibalik ang kabuutan ug kalooy online, ug nga ang kamatayon ni Emman mahimong hinungdan sa positibong kausaban batok sa online hate.
