Gitakdang magsangka karong adlawa ang unom ka mga basketball team sa nagpadayon nga Paris Olympics 2024.
Kini naglakip sa Spain batok sa Greece, Canada batok sa Australia, ug Japan batok sa France.
Pipila niini nga mga team gikonsiderar nga powerhouse teams sa tibuok kalibutan lakip na ang Canada, Australia ug Greece nga pulos gipangulohan sa mga bituon sa NBA.
Ang Spain vs Greece gikatakda karong alas 5:00 sa gabii; Ang Canada batok Australia gikatakda sa alas-7:30 sa gabii, samtang ang Japan batok sa France gikatakda sa alas-11:15 sa gabii.
Ang Australia ug Canada parehong nakadaug samtang ang Greece ug Spain parehong nakadala og usa ka pilde matag usa sa ilang nangaging mga duwa.
Ang upat ka mga team anaa sa ubos sa Group A ug tanan nakaagi sa ilang unang mga duwa.
Sa laing bahin, ang Japan aduna nay usa ka pilde samtang ang France, kinsa anaa usab sa ubos sa Group B, nagpabiling limpyo nga adunay usa ka daog.
Pipila sa mga NBA stars nga maapil sa tulo ka duwa karong adlawa mao sila si Giannis Antetokounmpo sa Greece, Shai Gilgeous Alexander sa Canada, Rudy Gobert ug Victor Wembanyama sa France, Patty Mills sa Australia, Rui Hachimura sa Japan, ug ang bigman nga si Juancho Hernangomez sa Espanya.
