Giinsister ni Senador Ronald “Bato” dela Rosa nga hubog sa gahom ang hepe sa Criminal Investigation and Detection Group (CIDG), Major General Nicolas Torre III, kinsa mipatuman sa pagdakop kang kanhi Presidente Rodrigo Duterte.
Gisulti kini ni Dela Rosa sa usa ka interview dihang gipangutana siya kon unsay iyang isulti, isip kanhi hepe sa Philippine National Police (PNP), sa pagpatuman ni Torre sa pagdakop kang Duterte didto sa Ninoy Aquino International Airport (NAIA) niadtong Marso 11, 2025 tungod sa kasong “crime against humanity” nga may kalabotan sa dugoong gubat batok sa drugas sa iyang administrasyon.
Samtang sa samang pakighinabi, gikuwestiyon usab sa senadora kon “santo” ba si Presidential Communications Office (PCO) Undersecretary Claire Castro, kinsa nitubag sa una niyang pamahayag nga motago na lang siya inay mo-surrender sa ICC kon dunay ipagawas nga warrant of arrest alang kaniya.
Kahinumduman nga si Dela Rosa maoy hepe sa PNP dihang gipatuman sa kanhi presidente ang war on drugs.
