Mi-insister si Senador Ronald “Bato” dela Rosa nga dili siya motambong sa hearing sa Kamara bisan pa kon ipatawag siya sa Committee of the Whole o sa Kamara.
Giimbitar sa gimugna nga upat ka komite sa Kamara si Dela Rosa kalabot sa imbestigasyon sa posibleng relasyon sa Philippine Offshore Gaming Operators (POGO) sa illegal drug trade, extrajudicial killings nga naglambigit sa drugas ug uban pang krimen.
Gitataw ni Dela Rosa nga dili gyud siya motambong sa imbestigasyon sa Kamara tungod kay dili siya gusto nga makalapas sa “interparliamentary courtesy” sa Kongreso.
Matod niya, hugot nilang giobserba ang “interparliamentary courtesy” gumikan kung mutuman kini sa Kamara, seguradong daghang senador ang masuko kaniya.
Kalabot niini, mahimong sumbanan kon siya ang musunod sa Kamara ug posibleng ang mahitabo, kanunay nga ipatawag ang mga senador ug dili na sila makatrabaho.
Dugang pa ni Dela Rosa nga nasayod usab siya sa anaa sa imbestigasyon busa dili siya mosuway pagtambong niini.
Kahinumduman nga gibutyag ni Dela Rosa nga pipila sa mga dagkong lider sa Kamara ang naningkamot nga iduot siya ngadto sa International Criminal Court ug lakip niini si kanhi Presidente Rodrigo Duterte.
