GENERAL SANTOS CITY – Dili na maglisod pa ang mga buot musulod sa Doña Soledad, Brgy. Labangal tungod magamit na ang sementado nga dalan human ang turn over ceremony sa DPWH ngadto sa LGU Gensan.
Gipangunahan ni Mayor Lorelie Pacquiao ang pag-abli sa bag-ong nahuman ug sementado nga dalan nga adunay drainage system.
Matud sa Mayor nga ang P8M nga gigamit sa pagpasemento ang gikan sa national fund.
Nasuta nga ang maong dalan pagasumpayan pa ug laing proyekto nga magkonekta paingon sa diversion road agi sa sentro nga bahin sa Purok Espina.
Gumikan niini mapadali na ang pagsulod sa lugar nga dili na magproblema sa dagkong liba-ong hilabi na kung ting-ulan.
Nasuta nga dul-an sa trenta ka tuig nga gipangingkamutan nga mapasemento ang lugar luyo sa daghang pagsulay apan wala gayud giundangan mao nga nakab-ot gayud ang tumong nga mapasemento ang duha ka lane nga dalan.
Mitambong usab sa maong okasyon ang taga DPWH, mga Barangay opisyal, Kagawad Orlando Acharon ug mga residente.
Kahinumduman nga giilugan pa ang maong dalan dihang makadaghang higayon kini nga gipaundang tungod sa mga petisyon ug pagbabag nga gihimo.
