Malinawon sa kinatibuk-an ang pagsaulog sa Independence Day karong, Hunyo 12, bisan pa sa daghang mga aksyong protesta sa pipila ka mga lugar sa Metro Manila.
Mao kini ang assessment ni Major Hazel Asilo, tigpamaba sa National Capital Regional Police Office sa Bagong Pilipinas public briefing.
Matod ni Asilo, padayon nga nagmonitor ang mga gipakatap nga pulis aron masiguro ang kaluwasan sa publiko nga nagsaulog sa mga aktibidad.
Gipasigarbo sa opisyal nga walay natala nga ginagmayng krimen sa tibuok adlaw, nagpamatuod nga dako og epekto ang nagkatag nga law enforcement agencies sa nagkadaiyang dapit sa Metro Manila.
Matod niya nga sa higayon nga adunay mabiktima sa mga ginagmay nga krimen sama sa pagpangawat ug walay polis nga makita sa ilang palibot, si Asilo niingon nga i-dial lang ang 911 ug ang pinakaduol nga police station sa maong dapit moresponde dayon.
