-- ADVERTISEMENT --
GENERAL SANTOS CITY – Patay ang usa ka siklista human ni-overshoot samtang ginasubay ang pakorbada nga dalan sa Datal Salvan, Barangay San Jose, niining dakbayan human nga nawad-an ug kontrol hinungdan nga mibangga sa kasugat niini nga motorsiklo.
Nailhan ang biktima nga si Arnel Alburo, 39 anyos, stencil boy sa LTO-GenSan ug residente sa Barangay Mabuhay ning syudad.
Base sa pahayag sa nakakita sa insidente nga gisulayan pa ug likay sa nakamotor nga suspek ang biktima apan iya gayud kini nga nabangga-an.
Nadala pa sa balay tambalan ang biktima nga si Alburo apan gideklara kini nga dead on arrival sa mga doktor.
Naka-kustodiya sa GenSan Traffic Management Unit ang driver nga nakabangga.
-- ADVERTISEMENT --
