GENERAL SANTOS CITY – Mas gipahugtan ang seguridad sa Bulaong Terminal ning sa dakbayan dungan sa hinay hinay nga pagdagsa sa mga pasahero karong kapaskuhan.
Kini gumikan gilauman na ang pagdagsa sa mga pasahero sa terminal aron mo-uli sa tagsa-tagsa nila ka mga lugar mao nga nagpatuman na sila ug hugot nga pagbantay.
Ang tanang pasahero ang muagi sa inspeksyon apil ang ilang bitbit nga mga bagahe.
Kaabag sa kapulisan sa pagbantay ang force multipliers, og CSU sa pagbantay og pagmonitor sa palibot sa terminal aron walay makalusot nga dautang elemento.
Plano karon sa pamunuan sa Bulaong Terminal nga magrequest sa syudad og dugang pang pwersa nga mutabang sa kapulisan sa pagbantay sa seguridad.
Kini bisan anaa ang koordinasyon sa mga bus ug van operator sa dakbayan gawas pa nga daghang CCTV cameras ang namuntar sa maong terminal.
