GENERAL SANTOS CITY -Gisiguro ni PCI Jovenson Bayona, chief of police sa Pendatun Police Station nga andam na ang kapulisan og ang mga kaabag nga mga grupo alang sa pagbantay sa seguridad alayun sa pormal nga pag-abli sa Tuna Festival 2017 ugmang adlawa, Septyembre 1.
Matud pa, sa miaging mga adlaw pa nahan-ay ang mga security preparations nga ipatuman sa Oval Plaza og sa palibot niini samtang nag-install na usab ang mga CCTV sa mga strategic areas.
Namuntar na usab sa mga gates ang mga signages aron mapahibalo ang publiko kon unsa ang mga patakaran nga sundon.
Lakip dinhi kon asa ang paradahan sa mga sakyanan og unsa ang mga bawal dalhon sa pagsuroy sa Oval Plaza og sa uban pang venue sa mga aktibidad.
Gibutyag ni Bayona, dili gayud pasudlon ang magdala og bagpack tungod karon wala nay gibutang nga deposite area alang sa mga butang nga angayang ibilin dili sama kaniadto.
Hugot usab nga ginadili ang pagdala og mga mahait nga butang, lighter, og pusil samtang dili tugtan ang pagsigarilyo.
Dili na usab tugtan ang mga ambulant vendors sulod sa plaza kon dili sa gawas lamang sila pwedeng magbaligya.
Sa pamahayag opsiyal dili muobos sa 200 ka pulis ang magbantay sugod opening hangtud closing ceremony sa tuna fest gawas pa niini ang augmentation sa folce multipliers gikan sa CCW, CSU, Karancho og JTF nga magtutok sa seguridad gawas sa Oval Plaza.
