GENERAL SANTOS CITY – All-set na ang ipatuman nga security measure alang sa umaabot nga piyesta ni Sr. Sto. Niño de Bula sa Enero 15.
Kini human ang natigayong panagpulong sa taga-barangay coundil ug coordinating commitee kagahapon sa hapon.
Base sa nakasabutan, mukabat sa 1,387 ka mga kapulisan ang ipakatag sa tibuok barangay sugod Enero 14 hangtod 15.
Una mularga ang fluvial parade, may ipakatag usab nga kapulisan sa palibot sa Sto. Parish Church, ug may imuntar nga assistance desk, area security, press area, mga sakop sa EOD, K9 units, mobile patrol ug ambulansya.
Samtang may mag-una usab sa parada nga upat ka mobile police unit, ug may magkordon sa imahen, nga pagasundan sa mga botante, nga sundan usab sa security force ug taga-Red Cross.
Nakaplastar na usab ang mga ruta kung asa ang entrance, exit ug ang mga pwede ug dili pwedeng agian, ug ang mga parking area.
Una nang gibutyag ni Kapitan Remus Declaro nga “welcome” ang tanang mamiyestahay, basta mutuman ug magkooperar sa mga patakaran nga ipatuman aron mahimong hapsay ang pagsaulog sa piyesta.
