GENERAL SANTOS CITY – Usa ka masaligan nga Security guard sa usa ka mall dinhi sa Gensan ang nag-balik sa iyang nakita nga kwarta sa tag-iya niini.
Nailhan ang maong gwardiya nga si Kamsa Abdul Suanal.
Saysay niini, iyang nakita ang folder sa lugar nga walay monitor sa CCTV.
Gikuha niya ang maong butang ug gitawagan ang iyang mga kaubanan aron nga temporaryong pulihan sa iyang pwesto gumikan ihatud niya sa customer service ang maong butang.
Human sa maong panghitabo, gilayon usab nga mitumaw ang nagpailang tag-iya sa nawala nga salapi apan gitudlo sa gwardiya nga didto na kini e-claim sa ilang customer service aron nga ma verify.
Saysay usab sa management sa SM mall nga dili kini ang unang higayon nga adunay gwardiya nga mitunol sa ilang mga nakitang butang ngadto sa opisina gumikan bisan ang ilang mga utility, maintenance ug ubang mga empleyado ang nagbuhat usab sa ingon.
Mapasalamaton usab ang management sa maong mall nga adunay maayong kasing-kasing ang ilang mga tawo sa pag-uli sa mga nakaplagan nga butang.
