Personal nga mibisita si Department of Education Secretary Sonny Angara sa Banga National High School sa South Cotabato kagahapon, Septiyembre 19, human sa trahedya sa pagpamusil sa eskwelahan, aron manguna sa mga gilayon nga lakang ug maghatag og tabang sa mga pamilyang naapektuhan ug mga kawani sa eskwelahan.
Nakigpulong si Secretary Angara sa mga staff sa eskwelahan, mga ginikanan, mga opisyal sa lokal nga pangagamhanan ug kapulisan aron ipahiuyon ang mga lakang sa emergency response, mahatagan og gikinahanglang psychosocial services ang mga naapektuhan ug matubag ang mga isyu sa seguridad.
Gisusi usab sa kalihim ang eskwelahan, mitambong sa security briefing ug debriefing session alang sa mga magtutudlo ug kawani, mibisita sa haya sa mga biktima ug miduaw sa mga nasamdan sa ospital aron dasigon sila.
Gipadayag ni Angara ang panginahanglan sa gilayon nga pag-atiman, pakigtambayayong sa komunidad ug aktibong mental health interventions aron malikayan ang susamang mga insidente.
Nangayo ang DepEd og dugang suporta gikan sa mga opisyal sa barangay ug mga tanod alang sa police patrols, ilabina sa mga eskwelahan nga walay kaugalingong security guard.
Gihatagan usab ni Angara og prayoridad ang sayong suporta alang sa mental health ug miingon nga ang mga isyu nga may kalabutan sa pamatasan sa mga estudyante nagkinahanglan og interbensyon gikan sa tibuok komunidad.
