Usa ka matod pa ka pagsulay nga ma-destabilize ang gobyerno og mabalik ang P1.3 billion nga budget sa Office of the Vice President (OVP) ang petisyon nga gisang-at sa Korte Suprema (SC) batok sa 2025 General Appropriations Act (GAA).
Gikondena ni Deputy Majority Leader Paolo Ortega ang petisyon nga gisang-at nilang Rep. Isidro Ungab, Atty. Vic Rodriguez, og ilang mga kaalyado, nga usa matod pa ka bahin sa mas lapad nga plano nga pangpolitika nga ang tumong ang magsabwag og walay kasigurohan og mapahuyang ang administrasyon ni Pangulong Ferdinand R. Marcos Jr.
Samtang gihingusgan ni Acting House Committee on Appropriations Chairperson Rep. Stella Luz Quimbo sa Marikina City nga dili na kinahanglan nga subling ratipikahan sa Kongreso ang nakorehian nga report sa bicameral conference committee.
Gitawag ni Ortega, usa sa miyembro sa Young Guns sa House of Representatives, ang petisyon sa SC isip usa ka “calculated political gambit” nga tumong nga babagan ang progreso sa administrasyon og samukon ang gobyerno.