GENERAL SANTOS CITY – Padayon ang panawagan sa Comelec-GenSan ngadto sa publiko hilabi na kadtong mga wala pa nakaparehistro nga magparehistro na, ug pahimuslan ang taas nga panahon nga gihatag, aron makaboto sa sunod nga eleksyon, partikular sa May 13, 2019 National and Local Elections.
Kahibaluan nga nagpadayon ang pagpahigayon ug satellite registration, kung asa matag barangay ang gihatagan ug schedule aron dili na lisod sa mga residente ang pagpa-rehistro, transfer,reactivation, correction of entries, inclusion o reinstatement sa records sa voters’ list, hilabi na kon wala nakaboto sa nakalabay’ng eleksyon, ug uban pa.
Karong adlawa, dinhi sa dakbayan, sa Brgy Ligaya naka-schedule ang satellite registration, hinungdan nga gipanawagan ang mga residente sa nasmapit nga barangay nga pahimuslan ang kahigayunan.
Samtang kon walay schedule sa satellite registration, sa buhatan mismo sa Comelec angayang magparehistro, kung asa able sila Lunes hangtod Sabado, alas-8:00 sa buntag hangtod alas-5:00 sa hapon, apil na bisan ug holiday.
