SARANGANI PROVINCE- Daghan ang nasubo nga mga SarBay Goers human nga gikansela na sa hingpit ang Sarangani Bay Festival 2020 sa bulan sa Mayo.
Kini human nga nadesisyunan sa Sarangani Provincial Government ug organizers nga ikansela na ang maong aktibidad human ang direktiba ni Pangulong Rodrigo Duterte nga national health emergency tungod sa padayong pagtaas sa kaso sa corona virus disease o covid 19.
Sumala pa ni Ms. Langlang Rudes, sa Sarangani Tourism Council nga bisan excited na sa Sarbay apan mas mahinungdnaon matud pa ang panglawas sa katawhan.
Mapakita na usab unta sa mga turista ang White Beach ska Gumasa Glan nga nag-unang destinasyon sa MIndanao.
Samtang gikasubo usab sa mga banca riders nga sa makaduha ka higayon dili na usab masaksihan ang Bombo Radyo Bancarera SarBay Edition.
Miaging tuig libuan ang bisita sa Sarangani Bay Festival.
