SARANGANI PROVINCE – Nagmaya karon ang lokal nga panggamhanan sa Sarangani human nga sa labing unang higayon, nakasulod sa top 5 sa Overall Most Competitive Provinces sa Cities and Municipalities Competitive Index 2018 sa Department of Trade and Industry.
Gianunsyo kini atul sa natigayon nga 6th Regional Competitiveness Summit sa PICC sa Kauluhan kagahapong adlawa.
Kahibaluan nga gikan sa 82 ka mga probinsya sa nasud, mipatigbabaw ang Rizal Province sa unang pwesto, sunod ang Laguna sa ikaduhang pwesto, Davao del Norte ang ikatulo, Cavite ang ika-upatr, ug ang Sarangani maoy ikalima.
Kahinumduman nga miaging tuig nabutang sa ika-unom nga pwesto ang Sarangani, hinungdan nga ingon na lamang ang pagmaya sa buhatan ni Gov. Steve Chongbian Solon ug sa ubang opisyal sa probinsya.
