GENERAL SANTOS CITY – Gipasigarbo sa LGU-Sarangani Province ang nindot nga resulta sa immunization program kontra polio sa probinsya human nga gitubag sa mga katawhan ang ilang panawagan nga pabakunahan ang mga bata.
Kini human nga mukabat sa 97.68% ang nabakunahan nga mga bata sa Sarangani.
Kahibaluan nga angayang makab-ot ang target nga 95% coverage.
Luyo niini, gustong masiguro sa mga bakunador gikan sa Sarangani Provincial Hospital nga tanang bata sa probinsya edad zero hangtud singko anyos paubos ang mabakunahan.
Nasayran nga gilugwayan sa Department of Health ang polio vaccination sa Mindanao. Magpadayon hangtud sa December 13 adlaw nga Biyernes ang pagbakuna.
Nanawagan isi Dr. Alvin Alejandro sa tanang ginikanan nga may anak edad zero hangtud singko anyos paubos nga pabakunahan ang ilang anak kung asa ang polio vaccine ang libreng ginahatag sa mga health centers.
