GENERAL SANTOS CITY – Suportado ni Sarangani Gov. Steve Chiongbian Solon ang kampanya ni Pangulong Rodrigo Duterte batok sa korapsyon.
Kini ang reaksyon sa gobernador sa gibutyag sa pangulo nga hugot nga ipatuman ang ” No Break Policy” sa mga buhatan sa gobyerno.
Matud pa ni Gov. Solon, dili kini problema kaniya kon asa isip elected official lakip ang mga governent employees ang angayang magtinarong sa trabaho.
Alayun niini, gibutyag sa gobernador nga angayang hatagan ug mas maayong benepisyo ang mga empleyado sa gobyerno aron mas madasig pa sa pagtrabaho.
Gibutyag ni Gov. Solon, sensiro ang pangulo og dako ang gugma sa katawhan og sa nasud. Gani, tataw usab ang kagustuhan sa pangulo sa pag-angkon og kalinaw og seguridad sa nasud.
Samtang, nalipay si Solon sa pagtagad sa Pangulo sa kinaiyahan human nga gi-warningan atul sa iyang SONA ang mga mining companies.
