GENERAL SANTOS CITY – Adunay sightings sa mga butanding sa syudad gumikan sa abunda ang pagkaon.
Kini ang gituohan ni Katherine Bitco, Envir0nmental Management Specialist II sa City Environment and Natural Resources Office kon CENRO, sa pakighinabi sa Bombo Radyo GenSan.
Sumala pa nga subling nagpakita ang mga buntanding sa kadagatan sa dakbayan gumikan panahon karon sa pagdaghan sa mga lupoy, usa ka gagmayng matang sa isda.
Gibutyag ni Bitco nga pito ka oras sulod sa usa ka adlaw ang pagkaon sa butanding og 21 ka kilos ang makaon sulod sa usa ka oras.
Giangkon nga may report sila nga nadawat nga may mga mananagat nga gina-abog ang butanding gumikan kakompetensya sa ilang income.
Sa pahayag ni Bitco, mao usab matud pa ang nahitabo kaniadtong 2015 kung asa daghang lupoy og tamban hinungdan nga may sightings usab sa butanding.
