GENERAL SANTOS CITY – Gidawat ni Vice Mayor Rosalita Nuñez sa Sangguniang Panlungsod ang pasidungog isip Most Outstanding Sanggunian Award sa Region 12 atul sa 2023 Regional Awarding sa Department of Interior and Local Government (DILG) sa gipahigayon nga Outstanding Implementers sa usa ka Convention Center sa Koronadal City kanaidtong October 31, 2023.
Matud sa DILG nga ang naangkon nga regional recognition sa Konseho sa dakbayan hinungdan nga naapil na kini sa national nominees alang sa national recognition isip Best Sangguniang Panlungsod sa tibuok nasud.
Una nga giila ni Vice Mayor Nuñez ang paningkamot ni kanhi Vice Mayor ug karon Congressman Atty. Loreto Acharon nga usa sa nag-unang driver sa Sanggunian panglungsod sa dakbayan nga maangkon ang maong pasidungog.
Atubang sa mga bisita ug mga LGU nga mitambong sa maong aktibidad giangkon ni Nuñez nga nahitabo ang ebalwasyon ug awarding sa iya na nga katungdanan.
Gani sama kaniya kadungganan sa dakbayan ang magtrabaho sa isip empliyado ug tigdumala sa Sanggunian Panlungsod kauban ang mga Konsehal ug staff aron pagpanday sa mga lokal nga balaudnon.
