GENSAN- Nagpasa og usa ka resolusyon ang Sangguniang Panlungsod sa General Santos City, kini ang gibutyag ni City Councilor Jeng Gacal aron pormal nga ipatawag ang mga resource persons kalabotan sa Mabuhay Underpass Project, ilabina ang mga opisyal sa Department of Public Works and Highways (DPWH), ang kontraktor sa maong proyekto, ug uban pang ahensya.
Ang resolusyon gituyo in aid of legislation aron masuta ang kahimtang ug kasamtangang estado sa proyekto nga gilauman unta nga makatabang sa pagsulbad sa trapiko , apan karon nag-atubang sa daghang isyu sama sa pagka-delay sa konstruksyon, kakulangan sa impormasyon, ug kalibog sa dalan alang sa mga motorista.
Matud pa ni Konsehal Gacal, kinahanglan nga mutambong gyud ang mga gitawag sa sesyon sa Konseho aron ipresentar ang status sa proyekto, ug aron matubag ang mga pangutana sa katawhan.
Ang resulta sa sesyon gamiton sa Konseho aron makahimo og mga lakang nga mosulbad sa isyu ug magpalig-on sa transparency ug accountability.
