Giaprubahan sa Sandiganbayan ang gihangyo nga hospital arrest ni kanhing Department of Public Works and Highways Secretary Manuel Bonoan.
Sa gipagawas nga resolusyon sa Fifth Division sa Sandiganbayan, gitugotan siya nga magpabilin sa Philippine National Police General Hospital ug dili sa The Medical City.
Giingon sa mosyon sa iyang abogado nga tungod sa iyang edad ug mga sakit nga iyang gibati, importante nga sa maong ospital siya magpabilin.
Magpabilin si Bonoan sa PNP General Hospital samtang naghulat pa sa desisyon sa iyang kaso.
Matod pa sa report, gidala sa ospital ang kanhing kalihim human mogawas ang warrant of arrest batok kaniya may kalabotan sa kasong plunder sa Sandiganbayan.
Apil si Bonoan sa mga gipasakaan og kaso nga graft ug plunder kauban si Senador Jinggoy Estrada ug uban pa may kalabotan sa giingong anomalya sa flood control project.
