Nagmando ang Sandiganbayan 5th Division sa pag kumpiska sa 16 ka mga kabtangan ni kanhi Ako Bicol party-list Rep. Zaldy Co, kinsa nag-atubang og mga kasong graft nga may kalabotan sa giingong substandard nga proyekto sa pagkontrol sa baha sa Oriental Mindoro.
Ang writ of preliminary attachment nagtumong sa pagsiguro sa posibleng kapin sa P215 milyon nga civil liability compensation kung si Co makonbikto sa mga kaso nga iyang giatubang.
Sa usa ka resolusyon nga gipetsahan Marso 4 nga gi-isyu niadtong Lunes, gipaluyohan sa korte ang pangangkon sa prosekusyon sa pagpanglimbong sa mga kasong kriminal batok kang Co ubos sa Anti-Graft and Corrupt Practices Act.
Ang writ naglangkob sa walo ka mga kabtangan ni Co sa Pasig City, upat sa Makati City, tulo sa Quezon City, ug usa sa Lipa City, Batangas.
