Dili una mudawat ug bisita ang San Isidro Police Station human namatay ang usa nila ka priso nga nagpositibu sa covid 19.
Matud ni Police Capt Olf Tabucon, hepe sa San Isidro Police Station aron kapugngan ang posible nga pagtakod samtang gipadayon ang proseso aron kapugngan ang pagkatag sa virus.
Pagsaysay niini nga makadaghan nga nagreklamo sa pagsakit sa tiyan ang nahisgutang piniriso hinungdan nga gipakuha ug ambulansya ug gidala sa St Elizabeth Hospital.
Pag-abot matud pa sa tambalanan gilayon nga gipailawom sa COVID test ang nahisgutang priso samtang kini ginatabang. Pagsaysay ni Tabucon nga wala matud pa magdugay sa hospital ang pasyente gibawi-an kini sa kinabuhi ug migawas nga COVID positive.
Tungod matud pa niini temporaryo nga gisiradhan sa mga bisita ang San Isidro Police station samtang nagpahigayon ug pag dis infect ug contact tracing.
Nasuta nga ang nahisgutang pasyente ang usa ka 47 anyos nga residente sa Habitat phase B sa San Isidro ning syudad.
