GENERAL SANTOS CITY – Giangkon ni Kapitan Jeprox Yumang sa Barangay San Isidro ning syudad nga midaghan ang kaso sa COVID 19 sa ilang lugar gumikan sa usa ka pamilya daghan ang natakdan.
Sa labing ulahing tala anaa na sa 66 ka tawo ang mga nagpositibo sa COVID 19 sa ilang barangay.
Giangkon sa nasampit nga opisyal nga gumikan sa maong sitwasyon gilayon nga ilang gi-isolate ang mga kabanay sa nagpositibo aron malikayan nga mas mudaghan pa ang magkasakit.
Gibutyag ni Yumang nga daghan sa ilang barangay nga nagpositibo ang may kalabutan sa fishport og sa liang mga establismento .
Busa gapanawagan ang nasampit nga opisyal sa publiko nga magtinabangay ning higayona gumikan dili nila kaya kung wala ang kooperasyon sa tanan.
Kahibaluan nga ang opisina sa Barangay San Isidro ang labing unang buhatan sa gobyerno sa syudad nga nanirado sulod sa pipila ka adlaw human nga nagpositibo sa maong virus ang ilang Rural Health Unit (RHU) doktor.
