GENERAL SANTOS CITY -Dakpan sa entraphment operation sa Philippine Drug Enforcement Agency ang imbestigador sa Traffic Management Unit human makuhaan ug sachet sa shabu.
Gikumpirma ni PDEA 12 Director Valente Cariño nga kustudiya na sa ilang buhatan si Police Office 1 Arjay Benatero samtang ginaprepara ang kaso batuk sa nahisgutan.
Sabado sa kaadlawon nakadawat ug impormasyon ang PDEA kalabutan sa drug activity sa NCR2 resort sa Mabuhay ning dakbayan .
Dihang nagpahigayon ug transaction nakigsabut ang nahisgutan nga musolod sa room 2 sa nahisgutang swimming resort ug didto nasikop si Benatero human matud pa nakuhaan ug unom ka sachet walay labut ang putos sa druga nga nagkantidad ug singko mil ka pesos.
Nahibaw-an nga si Benatero ang gabaligya ug illegal drugs sa mga babaye nga costumer bugti sa pakighilawas.
Nanghinaut na lamang si Director Cariño nga wala nay laing sakop sa kapulisan nga malambigit sa illegal drugs nga ilang masikop.
