Sakop sa NPA na low moral human masikop ang ilang lider
GENERAL SANTOS CITY – Nagka low moral ang mga sakop sa New Peoples Army human masikop ang lider sa rebelding grupo sa Sarangani province miaging semana.
Kini ang giangkon sa usa ka sakop sa New People’s Army (NPA) nga nagsurender sa tropa sa kasundaluhan.
Giila ni 1Lt. Efren James Halawig, civil-military operations officer sa 27th Infantry Battalion ang mibalik sa gobyerno nga si alias “Darwin,” bitbit ang usa ka unit sa M16 armalite rifle .
Matud ni Halawig nga si Darwin sakop sa Platoon Samsung, Sub-Regional Committee-Musa sa NPA’s Guerilla Front 73-Far South Mindanao Regional Committee (FSMR).
Nagsurender ang nahisgutan gumikan sa grabe nga kagutom ug kahadlok nga mamatay. Giasoy sa nahisgutan nga na low moral human masikop ang ilang lider nga Nicanor Pason alias “Kumander Costan,” nga nasamdan atul sa joint operation sa Maitum, Sarangani miaging semana.
Una nang gibutyag ni Lt. Col. Jones Otida, 27IB commander nga si Pason adunay pito ka standing warrant of arrest usa niini murder nga giisyu sa RTC 38 sa Alabel Sarangani lakip ang pagpanunog ug heavy equipment ug public utility vehicle ug gi-terrorized ang pipila ka bahin sa Sarangani, Sultan Kudarat ug South Cotrabato.
Matud ni Otida nga ipailawom sa Enhanced Comprehensive Local Integration Program or E-CLIP ang nagsurender nga rebelde.
