GENERAL SANTOS CITY – Nadakpan sa mga awtoridad ang miyembro sa usa ka Communist Terrorist Group (CTG) nga nag-atubang sa kasong murder sa Barangay Batian, Maitum, Sarangani Province.
Giila ni Police Brigadier General General Jimili L Macaraeg ang Regional Director sa PRO 12, ang pugante nga si alyas “Anef”, 18-anyos, Non-Periodic Status Report listed person, og miyembro sa Guerilla Front 73 MUSA Far South Mindanao Region nga kasagaran nag-operate sa Maasim, Kiamba, Maitum og sa uban pang lugar sa maong probinsiya.
Sa report sa Maitum Municipal Police Station, nadakpan si Anef sa gipahigayong Project H.O.R.S.E. (Hinterland Operational Response for Services and Emergency) sa mga sakop sa Maitum MPS, kauban ang mga operatiba sa Sarangani Police Provincial Office (SPPO), Police Regional Office 12, Sarangani Provincial Mobile Force Company, og 38th Infantry Battalion ng Philippine Army.
Dungan sa pagkaaresto sa suspek, gisurender usab niini ang iyang armas nga cal. .38 Revolver.
Nag-atubang si Anef sa arrest warrant sa kasong Murder nga walay girekomenda nga piyansa alang sa iyang temporaryong kagawasan.
Sa karon anaa sa kustodiya na sa Maitum MPS ang nadakpang suspek
