Sakop sa Brigol Command NPA midangop sa kapulisan aron mubalik sa sabakan sa gobyerno

Nagsurender ang sakop sa Brigol Command (Green Peak) MUSA front, sa News Peoples sa mga otoridad sa Maasim, Sarangani Province.

Ang mibalik sa sabakan sa gobyerno mao si Tammy Frias Senina alyas Manoy o June, 43 anyos nga taga Sitio Manil, Brgy. Daliao Maasim, Sarangani Province.

Ang nasampit ang nagsurender gumikan sa hiniusang negosasyon sa mga otoridad. Matud pa kang P/Brig. Alexander Tagum, regional director sa PRO 12 nga ang pagsurender ni Manoy ang senyales nga mihina na ang pwersa sa NPA.

Nakaamgo si Manoy nga walay maayong mahatag kaniya nga magpabilin sa kahugpungan sa NPA og maki-engkwentro batok sa gobyerno. Samtang laing sakop sa NPA sa South Cotabato ang misurender sa mga otoridad.

Matud pa ni 1Lt. Krisjuper Andreo Punsalan, commanding officer sa 11th Special Forces Company, sa Philippine Army nga ang nagsurender ang giila nga si alyas “Kat-Kat” nga sakop sa Platoon West, Sub-Regional Committee Musa sa NPA-Far South Mindanao Region.

Sa iyang pagsurender bitnit niini usa ka US M1 .30-caliber Carbine nga may serial number 1339557, lakip ang usa magazine og tulo ka bala.