GENERAL SANTOS CITY – Subling ipahigayon ang ‘Sabayang Patak kontra Polio’ sa July 20, 2020 hangtud sa August 02 2020 sa tanang lugar sa Mindanao.
Matud pa ni Dr. Edver Jane Montanier, labaw sa Family Health Cluster sa Department of Health (DOH 12) nga pabakunahan ang mga bata nga nagpangidaron og zero hangtud sa singko anyos nabakunahan man o wala pa.
Gikabutyag niini, libre, luwas og epektibo ang bakuna batuk sa polio.
Ang tanang mga health protocols ang ilang ipatuman kalabutan sa COVID
19.
Sumala pa ni Dr. Montanier nga nasinatiang maong virus angayang dili muundang sa pagbakuna sa mga bata.
Hinungdan nga gipangayo ang kooperasyon sa mga ginikanan sa Sabayang Patak kontra Polio’ sugod sa July 20.
Kini ang ikatulong hugna sa Sabayang Patak kontra Polio nga nagsugod sa miaging tuig.
Nasayran nga pito ang kaso sa polio sa Rehiyon 12 kung asa lima sa Sultan Kudarat, usa ka Cotabato City og sa North Cotabato.
