Nasakmit ni Elena Rybakina ang iyang unang tropeyo sa US Open human niya gipildi si Aryna Sabalenka, 6-4, 5-7, 6-2, sa women’s singles final didto sa Arthur Ashe Stadium niadtong Sabado.
Dili lang ang titulo ang nakuha ni Rybakina sa iyang kadaugan, nakuha usab niya gikan kang Sabalenka ang No. 1 nga pwesto sa WTA rankings.
Nakabawi si Sabalenka human nakuha ni Rybakina ang unang set, apan gidominar sa Kazakhstani star ang deciding set ug sa katapusan gitapos ang dula sa iskor nga 6-2.
Sa championship point, human sa usa ka double fault, daling nakabawi si Rybakina ug giselyohan ang kadaugan pinaagi sa usa ka service ace.
Kini ang ikatulo nga Grand Slam title ni Rybakina ug ang ikaduha niya karong 2026, una na niyang gipildi si Sabalenka sa final sa Australian Open.
Samtang, natapos ang 99 ka semana nga paghupot ni Sabalenka sa pwesto isip world No. 1. Napakyas usab siya sa pagkab-ot sa US Open “three-peat” human sa iyang mga kadaugan sa titulo niadtong 2024 ug 2025.
