Gikumpirma sa Bureau of Immigration nga ang Russian vlogger nga si Vitaly Zdorovetskiy gi-deport na balik sa Russia.
Sumala sa BI, si Zdorovetskiy misakay sa IrAero flight paingon sa Irkutsk niadtong Sabado. Ang BI Board of Commissioners nagmando sa iyang deportasyon niadtong Disyembre 17 human siya gideklarar nga usa ka undesirable alien.
Ang deportation order naggikan sa nagkalain-laing mga reklamo nga gisang-at batok sa 33-anyos nga vlogger tungod sa giingong pagpanghasi ug pagbiaybiay sa pipila ka mga Pilipino.
Si Zdorovetskiy unang gidakop niadtong Abril sa miaging tuig. Nailhan siya sa pag-post og mga prank video sa social media, lakip na ang pagpanghasi sa usa ka security guard, pagpanghimaraot sa usa ka babayeng Pilipina nga nagsul-ob og face mask, pagpangawat og industrial electric fan, ug pag-take og tricycle nga sa ulahi nabangga sa usa ka naka-parking nga jeepney.
Atol sa inquest proceedings, giangkon niya ang mga sala ug gipriso sa BI Warden’s Facility sa Camp Bagong Diwa sa Taguig. Diin misulay siya sa pagpiyansa apan gibalibaran sa Bureau of Immigration.
Human sa deportasyon, gi-blacklist usab sa Bureau of Immigration si Zdorovetskiy.
