Gikumpirma sa mga awtoridad sa Russia nga usa ka senior nga heneral sa Russia ang napatay sa usa ka pagpamomba sa awto sa Moscow.
Kini si Heneral Yaroslav Moskalik, ang pinakaulahing Russian military commander o pro-Kremlin figure nga gituohang target sa mga Ukrainians sulod sa Russia.
Matod sa tigpamaba sa Russian Investigations Committee nga si Svetlana Petrenko, usa ka Volkswagen Golf ang nibuto human naigo sa usa ka improvised explosive device nga napuno sa mga pellets.
Ang pag-atake nahitabo samtang ang espesyal nga sinugo ni US President Donald Trump, si Steve Witkoff, padulong sa sentro sa Moscow aron makigkita sa Presidente sa Russia nga si Vladimir Putin alang sa panaghisgot sa kalinaw sa Ukraine.
Ang Russian Foreign Minister nga si Sergey Lavrov sa sayo pa miingon nga ang Russia andam sa pagkab-ot sa usa ka kasabutan uban sa US aron tapuson ang gubat sa Ukraine, bisan tuod siya miingon nga adunay pipila ka mga elemento nga kinahanglan nga plantsahon.
Sa bahin sa Ukrainian, ang mayor sa Kyiv nga si Vitali Klitschko nagpaila nga ang iyang nasud mahimo’g kinahanglan nga itugyan ang pipila ka teritoryo isip bahin sa usa ka kasabutan sa kalinaw.
