Mipirma ug usa ka ‘partnership deal’ ang Russia ug North Korea, nga migawas nga pinakakusog nga relasyon sa duha ka nasud sukad pa kaniadtong Cold War.
Hunyo 19, 2024, pormal nga gipirmahan nilang Russian President Vladimir Putin ug North Korean leader Kim Jong Un ang bag-ong partnership nga unod sa saad nga ‘mutual aid’ ugaling maatubang ang usa sa duha ka nasud sa “aggression.”
Bisag wala napakita ang mga detalye sa maong kasabotan, kini pwedenmg ikonsidera isip pinakakusog nga relasyon tali sa Moscow ug Pyongyang sukad nga matapos ang Cold War.
Gibutyag usab sa duha ka lider nga kini usa ka ‘major upgrade’ sa ilang relasyon, nga misakop usab sa seguridad, negosyo, pamuhunan, ug relasyon bahin sa kultura ug katungod.
Natigayon ang panagtagbo dihang mibisita si Putin sa North Korea sa unang higayon sa sulod sa 24 ka tuig.
Natigayon kini samtang ang Estados Unidos ug ang ilang mga kaalyado ang nagpadahayag ug kabalaka sa posibleng kasabutan sa duha ka nasud kabahin sa armas kung asa matud pa nagahatag ang North Korea ug mga bala sa Russia aron gamiton sa ilang pakig-gyera sa Ukraine, baylo sa tabang alang sa ekonomiya ug ug pagbalhin sa teknolohiya nga pwedeng magpakusog sa bahad sa nuclear weapons ug missile program ni Kim.
Una nang gireport nga ang North Korea anaa ilawom sa grabeng silot gikan sa U.N. Security Council tungod sa ilang weapons program, samtang ang Russia usab giatubang usab ang sanctions gikan sa Estados Unidos ug Western partners niini tungod sa ilang agresyon sa Ukraine.
