Gatuo si Atty. Rey Cartojano, co-anchor sa Duralex Sedllex sa Bombo Radyo GenSan nga mas ma-pressure ang Russia nga hingpit mailog ang Ukraine gumikan sa mga sanctions nga gipatuman sa mga nasud nga gasuporta sa Ukraine.
Sa pamahayag ni Atty. Cartojano nga gidugangan sa Russia ang ilang pwersa kung asa gapadulong sa Kiev ang capital city sa Ukraine.
Gibutyag niini nga dili lamang ang Russia ang maapektuhan sa sanction apan ang tibook kalibutan.
Gikasubo sa nasampit nga abogado nga ang labing apektado sa gubot sa Ukraine og Russia ang mga residente.
Kahibaluan nga sa gipatuman nga sanction gi-freeze ang assets sa mga nagkadaiyang personalidad sa Russia, wala na giapil ang swift banking, bawal sa airspace ang mga abyon sa Russia, gidili ang pagnegosgyo sa maong nasud og uban pa.
