-- ADVERTISEMENT --
Mibuwelta ang Russia sa pamahayag ni US President Donald Trump human niya tawgon si Russian President Vladimir Putin nga nawad-an na og tarong nga hunahuna tungod sa padayon nga pag-atake sa Ukraine.
Matod ni Dmitry Peskov, tigpamaba ni Putin, nga posible nga nakasinati lang si Trump og “emotional overload”.
Iyang depensa nga ang ilang gihimo usa lang ka pagpanimalos sa unang gibuhat sa Ukraine.
Nahinumduman nga nadismaya si Trump sa gihimong pag-atake sa Russia diin gigamit nila ang 367 ka drones ug missiles nga miresulta sa kamatayon sa 13 ka tawo.
Gipadayag usab ni Ukrainian President Volodymyr Zelensky nga ang kaisog sa Russia naggikan sa pagpakahilom sa US ug ubang kaalyado nilang mga nasod.
-- ADVERTISEMENT --
