GENERAL SANTOS CITY – Gisugdan na ang pag-review sa Regional Tripartite Wages and Productivity Board kun RTWPB-12 sa rehiyon dose.
Gibutyag ni RTWPB-12 Board Secretry Jessie dela Cruz nga tumong aron masayran kung may basehan ang pagpatuman ug dugang suhulan sa mga mamumuo sa pribadong sector.
Gipaklaro ni Dela Cruz nga usa ka tuig nang gipatuman ang wage order number 19 human kini gipatuman kaniadtong Oktubre 9 hinungdan nga magpahigayon og board meeting karong Nobyembre 21 aron hisgutan ang posibleng wage adjustment sa rehiyon.
Sa maong panagtigom, mahatagan og impormasyon ang mga miyembro sa board sa economic situation sa Region 12 kon kinahanglan bang usbawan ang suhulan.
Apan gipaklaro ni Dela Cruz nga wala pay mga basihan sama sa pagsaka sa presyo sa mga palaliton nga mahimong basehan aron usbawan ang inadlaw nga suweldo nga P295 sa non non-agricultural sector ug P272 sa agricultural sector.
