Gitawag ni kanhi presidential spokesperson Harry Roque nga usa ka matang sa pressure ang pag-isyu sa kasamtangang administrasyon og warrant of arrest batok kaniya tungod sa human trafficking.
Lakip sa nasikop mao si Cassandra Ong, kinsa giingong nagdumala sa Philippine Offshore Gaming Operator (POGO) Lucky South 99 sa Porac, Pampanga.
Base sa dokumento nga gipirmahan ni RTC Presiding Judge Rene Reyes, nakakita sila og igong ebidensiya nga sila si Roque, Ong ug siyam pa nakalapas sa Anti-Trafficking in Persons Act of 2003.
Si Roque niingon nga iyang iapela ang nasangpit nga kaso diin iya usab nga gamiton ang nasangpit nga pag-isyu sa warrant of arrest sa iyang asylum application sa Netherlands.
Si Roque atua sa Netherlands aron mangayo ug asylum tungod sa giingong pagsumpo sa gobyerno sa iyang mga katungod.
