Roque, gipanghimakak nga gibasura sa iyang mga kawani ang arrest order gikan sa Kamara

Giklaro sa kanhi presidential spokesperson nga wala pa siya makadawat og Warrant of Arrest gikan sa Kongreso.

Sa iyang social media account, siya niingon nga sugod niadtong Biyernes sa gabii hangtod sa Sabado sa buntag, wala siyay nadawat nga warrant of arrest ang iyang buhatan.

Sukwahi kini sa pamahayag ni House Secretary General Reginald Velasco nga wala dawata sa mga kawani ni Roque ang arrest order.

Una nang niingon si Velasco nga gisilbi sa House sergeant at arms ang arrest order sa law office ni Roque sa Makati City apan wala kuno nila kini dawata.

Gipaabot usab sa mga sakop sa National Capital Region Police Office ang pagpatuman sa warrant. Si Roque giimbestigahan sa Kamara tungod sa iyang kalambigitan sa operasyon sa POGO sa nasud