Roque gikantyawan si Remulla tungod sa sayop nga impormasyon kabahin sa pagbasura sa iyang asylum

Gikantyawan na lamang ni kanhi Presidential spokesperson Harry Roque ang pamahayag ni Justice Secretary Jesus Remulla nga gibasura ang iyang asylum application sa Netherlands.

Matud pa ni Roque nga ‘fake news’ ang pamahayag ni Remulla tungod kay wala ginapahibalo sa gobyerno sa Dutch sa publiko ang mga dokumento sa mga naga-apply og asylum.

Ang iyang biyahe sa Germany dugay nang giplano ug usa ka personal nga biyahe.

Gitataw ni Roque nga kinahanglan nga magmatngon kanunay ang kalihim sa paghipos og impormasyon ilabi na nga kaduha na siya nabiktima sa fake news, una niini kay migamit matod pa siya og daghang pasaporte apan gipanghimakak kini sa Bureau of Immigrations ug giingong usa ra ang iyang pasaporte.