Roque babalik sa ‘Pinas kapag natapos na termino ni PBBM

Inihayag ni dating Presidential Spokesperson Atty. Harry Roque na uuwi siya sa Pilipinas kapag natapos na ang termino ni Pangulong Bongbong Marcos.

Kasalukuyang nasa Netherlands si Roque at nag-request ng asylum sa nasabing bansa.

“As soon as Marcos is gone, I’m back on day one. And sana this time around, we make them pay for all their offenses,” saad ni Roque sa panayam ng “The Long Take”

“Ang hirap kasi, the first time around, when we drove them away si Marcos Sr., we just forgave them eh. We recovered some ill-gotten wealth, but not all of it and that’s why they’re back with a vengeance,” dagdag niya.

Saad pa ni Roque, hindi raw niya mapapatawad ang kasalukuyang administrasyon dahil napalayo siya sa kanyang pamilya dahil sa ginawa sa kanya.

“I will never forgive this administration for what they did to me and to my family,” anang dating tagapagsalita.

Harry Roque