GENERAL SANTOS CITY – Hugot na karon ang training sa GenSan boxer nga si Romero Duno sa Amerika isip preparasyon sa iyang engkwentro kontra kang Ivan Delgado sa Septiembre 15, 2019 sa sa Los Angeles.
Kahibaluan nga sa miaging Mayo ang labing ulahing engkwentro ni Duno batok kang Juan Antonio Rodriguez nga pildi ang kaatbang.
Si Duno ang gikuha sa Golden Boy Promotions human nga iyang giknockout kaniadtong 2017 si Christian Gonzales sa natigayong engkwentro sa Amerika.
Ang maong GenSan boxer ang may boxing record nga 20 ka daog, usa ka pildi og 15 ka knockouts.
Ang iyang kalaban nga si Delgado ang may 13 ka daog, duha ka pildi, duha ka draw og unom ka knockouts.
Ang iyang ulahing nakaatbang mao si Hector Tanajara sa Mexico nga siya ang napildi.
