Nakakuha og atensyon online ang virtual nga Misa Mayor sa Quirino Grandstand nga gipakita sa game platform nga Roblox, nga nagtimaan sa pagsugod sa Pista sa Poong Itom nga Nazareno niadtong Bernes.
Ang Roblox event o game mode nga gihimo online nga duna’y tema sa Traslacion, usa ka community‑made experience diin ang mga players makasalmot sa virtual nga bersyon sa Traslacion ug malingaw sa online setting.
Nasayran nga ang grupo nga kabataang Katoliko ang naghimo sa maong virtual Traslacion 2026 kini aron hatagan og higayon ang mga deboto nga dili makatambong personal, apan makapadayon gihapon sa ilang debosyon pinaagi sa digital nga simulation.
Sa Roblox, daghan kaayo ug user‑generated games nga nagrepresentar sa kultura, relihiyon, ug tradisyon.
Kung adunay “Traslacion” nga game, posible nga gihimo kini aron ma‑reenact ang prosisyon sa Black Nazarene sa Quiapo, ug mahimong paagi sa kabatan‑onan nga makasabot ug makasalmot sa tradisyon bisan sa virtual world.
