Paningkamotan sa Robinsons Land Corporation nga matapos ang proyekto nga Palengke Heneral sa dili pa musulod ang tuig 2028.
Matud ni Mayor Lorelie Pacquiao, kinahanglan nga bag-o magsugod ang konstruksyon, nga maiplastar na daan ang mga vendors nga karon nagpamaligya sa Cental Public Market aron malikayan ang kalibog ug problema sa operasyon sa palengke sa umaabot.
Gipahimangnoan sa mayor nga importante ang maayong plano ug koordinasyon tali sa lokal nga gobyerno, developer, ug mga vendors aron masiguro nga ang transisyon sa bag-ong palengke hapsay ug walay samok sa negosyo ug sa mga mamalitay.
Gilauman nga ang Palengke Heneral mahimong moderno ug komportableng pasilidad para sa mga vendors ug publiko, nga maghatag og mas episyente ug organisadong lugar sa pamalitay sa syudad.
