GENERAL SANTOS CITY- Robbery with homicide ang nakit-an nga motibo sa kasundalohan kalabot sa pagpamusil-patay sa ilang kaubanan aging adlaw sa National Highway Purok 8, Barangay Katangawan, ning syudad.
Kahinumduman nga ang biktima giila nga si Technical Sergeant Ruben Hernaiz, 5O anyos nga residente sa Natad Subd. Brgy Lagao ning syudad.
Matud kang 1Lt Jess Hinampas ang tigpamaba sa 73rd Infantry Batalion Philippine Army, gituohan nga nasayod ang mga suspek nga nakamotorsiklo nga adunay dala-dala nga kuwarta tungod adunay negosyo nga gabaligya og motorparts og nagapautang usab og kuwarta.Hustisya karon ang gustong makab-ot sa kasundalohan alang sa biktima.
Kahinumduman nga gipusil ang biktima samtang sakay sa iyang motorsiklo dihang gitaparan sa riding in tandem criminals.
Gikuha sa mga suspek ang dala nga bag sa biktima nga sumala sa anak niini nga adunay cash nga P250,000 cash.
