GENERAL SANTOS CITY – Naghinam-hinam na Kag. Jun Lagare, ang chairperson sa committee on transportation sa konseho sa pag-abot sa road train sa syudad karong adlaw.
Matud niini, gipahigayon kagahapon ang Committee hearing kalabutan sa MOA sa DOST og sa LGU sa pag-abot sa syudad sa maong matang sa sakyanan.
Gibutyag ni Kag. Lagare, gipahulam pa sa DOST ang sakyanan og depende na ang kasabutan human ang pipila ka bulan nga pagtinir sa dakbayan.
Sa iyang pamahayag nga walay pondo nga gigasto ang syudad sa pag-abot sa maong road train nga gikan pa sa Cebu.
Base sa unang gibutyag ni Kag. Lagare nga sa buntag muhawa sa Tinacagan ang road train agi sa National highway pa-Lagao lahos sa Makar junction liko sa Makar PNP padulong sa Calumpang hangtud sa Fishport vice versa.
