GENERAL SANTOS CITY – Karong semana ipahigayon ang pag-road test sa road train padulong sa Gensan Fishport.
Matud pa ni Kagawad Jun Lagare, kinsa chairman sa Committee on transportation sa konseho sa dakbayan nga muabot karong adlawa ang engineers og driver gikan sa Department of Science and Technology alang sa matigayon nga road test.
Sa pamahayag ni Kag. Lagare nga bisag ang gi-hire nga driver sa syudad nga mao si Lito Solis ang mikanayon nga lisod manehuan ang road tren.
Nasayran nga taas ang kasinatian niini sa pagmaneho sa Japan og Dubai apan dihang nakit-an ang road train mas gusto pang manehuan ang electric tricycle nga nasulayan usab nga manehuan.
Una niini, gibutyag ni Kag. Lagare nga libreng ipagamit sa DOST ngadto sa LGU ang road train sa tibuok tuig 2018.
Kahibaluan nga sa miaging tuig, gipahigayon ang road test padulong sa Katangawan kung asa nagsakay pa ang pipila ka opisyales sa syudad apan kalit nga mitiurok sa dihang mibalik sa sentrong bahin sa syudad.
