GENERAL SANTOS CITY – Gipaabot na lamang karon ang desisyon sa Department of Science and Technology kon DOST ning semanaha, alang sa ipahigayon nga road test sa hybrid road train sa siyudad.
Matud ni Kag. Jun Lagare, ang chairperson sa Committee on Transportation sa Sangguniang Panglungsod, sa Nobyembre 15 muadto ang naasoy’ng sakyanan sa Brgy Katangawan aron ipresenta sa barangay council atul sa sesyon.
Kini gumikan ang Katangawan ang usa sa mga drop-off points kon ang rota nga agian, padulong sa Fish Port.
Sumala pa nga may beep card ang pasahero kung asa nasayran nang daan kung kinsa ang mga mamahimong pasahero.
Gikabutyag nga dili matud pa pwedeng musakay ang bisan si kinsa, gumikan i-screen na kung kinsa ang musakay.
Apan hatagan matud pa ug kahigayunan ang mga na-intriga niini ug buot makasulay ug sakay. Nasayran nga hangtud sa Diysmebre 31, walay bayad ang musakay sa road train
